அருள்மிகு ஐயப்பன் திருக்கோயில் ராஜா அண்ணாமலைபுரம் சென்னை.

அருள்மிகு ஐயப்பன் திருக்கோயில்



மூலவர் : ஐயப்பன்
  உற்சவர் : -
  அம்மன்/தாயார் : -
  தல விருட்சம் : -
  தீர்த்தம் : -
  ஆகமம்/பூஜை : -
  பழமை : 500 வருடங்களுக்குள்
  புராண பெயர் : -
  ஊர் : ராஜா அண்ணாமலைபுரம்
  மாவட்டம் : சென்னை
  மாநிலம் : தமிழ்நாடு

பாடியவர்கள்:
 
  -
 
திருவிழா:
 
  மகரஜோதி, கார்த்திகை வழிபாடு, தை மாதம் 1 -ஆம் தேதியான மகர ஜோதித் திருநாளில், உத்ஸவ மூர்த்திக்கு சிறப்பு அபிஷேக - அலங்காரங்கள் செய்து, 18 படிகளில் தீபமேற்றி பூஜைகள் நடைபெறும்.
 
தல சிறப்பு:
 
  இங்கு சபரிமலையைப் போன்றே கன்னி மூலை கணபதி, மாளிகைபுரத்து அம்மன், நாகராஜ சுவாமி சன்னதிகள் மற்றும் 18 படிகள் அமைந்திருப்பது சிறப்பு.
 
திறக்கும் நேரம்:
 
  காலை 6 மணி முதல் 10 மணி வரை, மாலை 5 மணி முதல் இரவு 8 மணி வரை திறந்திருக்கும்.
 
முகவரி:
 
  அருள்மிகு ஐயப்பன் திருக்கோயில் ராஜா அண்ணாமலைபுரம் சென்னை.
 
 
பொது தகவல்:
 
  40 அடி உயரக் கொடிமரமும், சுமார் 1,500 பேர் அமர்ந்து தரிசிக்கும் வகையிலான பிரம்மாண்டமான தியான அறையும் கொண்ட ஆலயம் இது.
 


பிரார்த்தனை
 
  நினைத்த காரியம் நிறைவேற, வாழ்வில் சகல ஐஸ்வரியங்களையும் பெற, நிம்மதியும் சந்தோஷமும் கிடைக்க இங்குள்ள ஐயப்பனை வழிபடுகின்றனர்.
 
நேர்த்திக்கடன்:
 
  இங்குள்ள ஐயப்பனுக்கு பக்தர்கள் மாலை அணிவித்தும், அபிஷேக ஆராதனைகள் செய்தும் நேர்த்திகடன் செலுத்துகின்றனர்.
 
தலபெருமை:
 
  கேரளப் பாரம்பரிய முறைப்படி பதினெட்டு படிகளுடன் ஆலயம் அமைந்துள்ளது. இந்த 18 படிகளைக் கடந்து சென்றால் கண்குளிரும் வகையில் அமர்ந்துள்ள சாஸ்தாவை தரிசனம் செய்யலாம். கேரளா சபரிமலை தோற்றத்தைப் போல் உள்ளதால் இவ்வாலயத்தை வடசபரிமலை என்று அழைக்கின்றனர். கடும் விரதமிருந்து, பஜனைகள் பாடி, அன்னதானமிட்டு, இருமுடி கட்டி யாத்திரை மேற்கொண்டு சபரிமலைக்குச் சென்று ஐயப்ப தரிசனம் செய்வதுபோலவே, ராஜா அண்ணாமலை ஐயப்பன் கோயில் ஐயனைத் தரிசிக்கவும் பக்தர்கள் விரதம் இருக்கின்றனர். பஜனைப் பாடல்கள் பாடி, அன்னதானம் வழங்குகின்றனர். இருமுடி கட்டிக்கொண்டு, கோயிலுக்கு வந்து, இவர்களுக்காக பிரத்யேகமாக அமைக்கப்பட்டுள்ள 18 படிகளில் ஏறி, ஸ்வாமியைத் தரிசித்து செல்கின்றனர். இருமுடி இன்றி வருகிறவர்களுக்கெனத் தனிப்பாதையும் அமைக்கப்பட்டுள்ளது. சுவாமிக்கு தினப்படி பூஜைகளும் இதர வழிபாடுகளும், சபரிமலை தேவஸ்தானத்தில் நடப்பது போலவே நடைபெறுகின்றன. ஆனால், சபரிமலை கோயில், வருடத்தின் சில நாட்களில் மட்டுமே நடை திறந்திருக்கும்; இந்த ஆலயமோ, வருடத்தின் 365 நாட்களும் நடை திறந்திருக்கிறது. கார்த்திகை மாதம் துவங்கி மண்டல பூஜை, பிரம்மோத்ஸவம் என விழாக்களுக்குக் குறைவே இல்லை. கார்த்திகை மாதம் துவங்கியதுமே, தமிழகத்தின் பல ஊர்களில் இருந்தும், வெளி மாநிலங்களில் இருந்தும் ஏராளமான பக்தர்கள் இவ்வாலயத்திற்கு வருகின்றனர்.
 
 தல வரலாறு:
 
  செட்டிநாடு அரச பரம்பரையைச் சேர்ந்தவரும், தொழிலதிபருமான எ.ம்.ஏ.எம்.ராமசாமி, 73-ஆம் வருடம், கடும் விரதமிருந்து சபரி மலைக்குச் சென்றார். ஐயனின் அழகில், ஆலயத்தின் கட்டுமானத்தில் மனதைப் பறிகொடுத்தவர். சென்னையில் ராஜா அண்ணாமலைபுரத்தில், அதே போன்றதொரு ஆலயத்தை எழுப்பி, நெகிழ்ந்துபோனார். இந்தக் கோயிலுக்கு வந்து, இறைவனைத் தரிசிக்கும் அனைவரும் சிலிர்ப்பும் மகிழ்ச்சியும் பொங்கச் செல்கின்றனர்.
 
சிறப்பம்சம்:
 
  அதிசயத்தின் அடிப்படையில்: இங்கு சபரிமலையைப் போன்றே கன்னி மூலை கணபதி, மாளிகைபுரத்து அம்மன், நாகராஜ சுவாமி சன்னதிகள் மற்றும் 18 படிகள் அமைந்திருப்பது சிறப்பு. 

அருள்மிகு ஐயப்பன் திருக்கோயில் நங்கநல்லூர்,சென்னை.

அருள்மிகு ஐயப்பன் திருக்கோயில்




மூலவர் : ஐயப்பன்
  உற்சவர் : -
  அம்மன்/தாயார் : -
  தல விருட்சம் : -
  தீர்த்தம் : -
  ஆகமம்/பூஜை :
  பழமை : 500 வருடங்களுக்குள்
  புராண பெயர் :
  ஊர் : நங்கநல்லூர்
  மாவட்டம் : சென்னை
  மாநிலம் : தமிழ்நாடு

பாடியவர்கள்:
 
  -
 
திருவிழா:
 
  பங்குனி உத்திரம், தமிழ் வருடப் பிறப்பு, கார்த்திகை மாதத்தில் (நவம்பர் 30 முதல் டிசம்பர் 6 வரை) பால்குடம் எடுத்தல், அகண்ட அன்னதானம், திருவீதி உலா, ஆராட்டு விழா என ஏக அமர்க்களமாக உற்சவங்கள் நடைபெறுகிறது.
 
தல சிறப்பு:
 
  கார்த்திகை மாதம் முழுவதும் சூரியபகவான் ஐயப்பன் மீது தனது கிரணங்களை பாய்ச்சி அவனது அருளை பெற்றுச் செல்வது சிறப்பு.
 
திறக்கும் நேரம்:
 
  காலை 6 மணி முதல் 11 மணி வரை, மாலை 5 மணி முதல் இரவு 8 மணி வரை திறந்திருக்கும்.
 
முகவரி:
 
  அருள்மிகு ஐயப்பன் திருக்கோயில் நங்கநல்லூர், சென்னை.
 
 
பொது தகவல்:
 
  கேரள பாணியில் கோயில் நுழைவுவாயில் அமைந்துள்ளது. உள்ளே நுழைந்ததும் செப்புக்கவசம் போர்த்தப்பட்ட கொடி மரம், அதனை தொடர்ந்து மூலஸ்தானத்தில் கிழக்கு நோக்கி ஐயப்பன் வீற்றிருந்து அருள்பாலிக்கின்றார். பிராகாரத்தில் கன்னி மூல கணபதி, நாகராஜர், மாளிகைபுரத்து அம்மன், கொச்சு கடுத்த சுவாமி சன்னதிகளும் மற்றும் வலிய கடுத்த சுவாமி, கருப்பசாமி, கருப்பாயி அம்பாள் ஆகிய தெய்வங்களும் பரிகார மூர்த்தங்களாகக் காட்சி கொடுக்கின்றனர்.
 

பிரார்த்தனை
 
  பக்தர்கள் தங்களது கோரிக்கை நிறைவேற இங்குள்ள ஐயப்பனை வேண்டிக் கொள்கிறார்கள்.
 
நேர்த்திக்கடன்:
 
  தங்களது வேண்டுதல் நிறைவேறியவுடன் பால்குடம் எடுத்தும், அன்னதானம் செய்தும் நேர்த்திகடன் செலுத்துகின்றனர்.
 
தலபெருமை:
 
 
சபரிமலை சன்னிதானம் எப்படி காட்சிக் கொடுக்கிறதோ அதே போன்ற வடிவிலேயே இங்கும் ஐயப்பன் சன்னிதி அமைந்துள்ளது. இங்கே ஐயப்பன் தானே விரும்பி அமர்ந்ததாகக் கூறப்படுகிறது. சபரிமலையில் திருவாபரணம் கொண்டுவரும் வைபவம் நடப்பது போலவே இங்கும் நடக்கிறது. இத்தலத்து ஐயப்பனுக்குரிய திருவாபரணங்களை பந்தள மகாராஜா அரண்மனையில் வைத்து பூஜித்துவிட்டு அதை இங்கு எடுத்து வந்து இந்த ஐயப்பனுக்கு திருவாபரண அலங்காரம் செய்யப்படுவது வேறு எங்கும் காணக் கிடைக்காத காட்சியாகும்!


மூலவர் சன்னதி சபரிமலை போலவே தக தகவென மின்னும் பொன் தகடுகள் பொருத்தப்பட்டுள்ளது. சுவாமி ஐயப்பனுக்கு ஜனவரி 14 முதல் 2 வரையில் பந்தளத்திலிருந்து எடுத்து வரப்பெற்ற திருவாபரணங்கள் கொண்டு சிறப்பு அலங்காரம் செய்யப்படுகிறது.




 
 தல வரலாறு:
 
  சுமார் ஐம்பது வருடங்களுக்கு முன்னர் இப்பகுதியில் உள்ள பக்தர்களுக்கு குருசாமியாக இருந்து, அவர்களை சபரிமலைக்கு அழைத்துச் செல்லும் புனிதப் பணியினை செய்து வந்தார் ஒரு தீவிர ஐயப்ப பக்தர். நாளடைவில் திருவிளக்கு பூஜைக்காக ஐயப்பன் விக்ரகம் ஒன்று செய்ய எண்ணம் கொண்டார். அதன்படி பக்தர்களின் கைங்கரியத்தால் ஐயப்பன் விக்ரகம் செய்யப்பட்டு பல வருடங்களாக குருசாமியின் இல்லத்திலேயே ஐயப்ப பூஜைகளும் விழாக்களும் நடைபெற்று வந்தன. அழகான ரூபத்தில் அமைந்த ஐயப்பனுக்கோ தான் ஒரு தனிக் கோயிலில் அமர வேண்டும் என்ற விருப்பம் மேலோங்க, பலரது எண்ணத்திலும் அது எதிரொலிக்க, தனிக் கோயில் அமைக்க முயற்சி எடுக்கப்பட்டது. முதலில் வேறு பகுதியில் இடம் பார்த்து கோயில் கட்ட ஆரம்பிக்க, என்ன காரணத்தினாலோ அது தொடரமுடியாமல் போனது. உடனே குருசாமி சபரிமலையிலுள்ள மேல்சாந்தியை சந்தித்து விவரம் கூற பிறகு தேவபிரசன்னம் பார்க்க முடிவு செய்யப்பட்டது. தேவபிரச்னத்தில் ஐயப்பனே வந்து தாம் கோயில் கொள்ள விரும்பும் இடம் பிருங்கி முனிவர் தவமிருந்த சேத்திரம், அகத்தியர் வலம் வந்த பூமியென்றெல்லாம் கூற, அப்படி பிரச்னத்தின் மூலமாக ஐயப்பன் வந்து அமர்ந்த இடம்தான் நங்கநல்லூர். இந்த தலத்து ஐயப்பன் இங்கு பிரதிஷ்டை ஆவதற்கு முன்னால் சபரிமலைக்கு சென்று பம்பா நதியில் நீராடி பிறகு பதினெட்டு படிகள் ஏறி தன்னையே தரிசனம் செய்து விட்டுதான் இங்கு கருவறையில் அமர்ந்து கொண்டார். அதாவது ஐயப்பனே ஐயப்ப சாமியாக சபரிமலை சென்று வந்திருப்பதாக கூறப்படுகிறது.

சபரிமலை மூலவருக்கு நடைதிறந்திருக்காத நாட்களில் அவர்மீது விபூதி பூசி வைப்பது பழக்கம். இந்த தலத்து ஐயப்பன் அங்கு சென்றபோது அவர் மீதும் அந்த விபூதி பூசப்பட்டது. அதுமட்டுமல்ல, சபரிமலையில் நடை திறந்திருக்கும் நாட்களின் போது நான் அங்கு இருப்பேன்; நடை சாற்றியிருக்கும் நாட்களில் இங்கு இருப்பேன் என்று தேவபிரசன்னத்திலேயே ஐயப்பன் கூறியிருப்பதாக தகவல்கள் உள்ளன.
 
சிறப்பம்சம்:
 
  அதிசயத்தின் அடிப்படையில்: கார்த்திகை மாதம் முழுவதும் சூரியபகவான் ஐயப்பன் மீ

அருள்மிகு கம்பீரவிநாயகர் திருக்கோயில், குறிச்சி ஹவுசிங் யூனிட்-பேஸ்-1, சிட்கோ (போஸ்ட்), கோயம்புத்தூர்- 641021.

அருள்மிகு கம்பீரவிநாயகர் திருக்கோயில்

மூலவர்          :               கம்பீரவிநாயகர்

                உற்சவர்          :               கம்பீரவிநாயகர்

                அம்மன்/தாயார்      :               புவனேஸ்வரி அம்மன்

                தல விருட்சம்           :               அரசமரம்

                தீர்த்தம்           :               -

                ஆகமம்/பூஜை          :               -

                பழமை             :               500 வருடங்களுக்குள்

                புராண பெயர்              :               -

                ஊர்      :               கோயம்புத்தூர்

                மாவட்டம்    :               கோயம்புத்தூர்

                மாநிலம்         :               தமிழ்நாடு

                பாடியவர்கள்:           

                                 

                                 

                                 

                 திருவிழா:   

                                 

                விநாயகர் சதுர்த்தி, பங்குனி உத்திரம், ஆடிவெள்ளி, தைவெள்ளி, நவராத்திரி பூஜை, மார்கழி பூஜை இங்கு விமரிசையாக கொண்டாடப்படுகிறது.     

                                 

                 தல சிறப்பு: 

                                 

                                               

  

                                 

                                 

                திறக்கும் நேரம்:     

                                 

                காலை 5.45 மணி முதல் 10.00 மணி வரை, மாலை 6 மணி முதல் இரவு 8.30 மணி வரை திறந்திருக்கும்.       

                                 

                முகவரி:        

                                 

                அருள்மிகு கம்பீரவிநாயகர் திருக்கோயில், குறிச்சி ஹவுசிங் யூனிட்-பேஸ்-1, சிட்கோ (போஸ்ட்), கோயம்புத்தூர்- 641021.          

                                 

                போன்:             

                                 

                +91 94424 12119              

                                 

                 பொது தகவல்:        

                                 

                இக்கோயில் ஆகமம் விதிப்படி அமைக்கப்பட்டுள்ளது. இங்கு புவனேஸ்வரி அம்மன், துர்க்கை அம்மன் மற்றும், சிவன், தட்சிணாமூர்த்தி, முருகன், சரஸ்வதி, லெட்சுமி நாராயண சாமி, ஆஞ்சனேயர், கருடாழ்வார், நவகிரகம், சண்டிகேஸ்வரர், அரசமர விநாயகர் சன்னிதிகள் அமைந்துள்ளது.    

                                 

                பிரார்த்தனை            

                                 

                அனைத்துவிதமான பிரார்த்தனைகளும் இங்கு பிரார்த்திக்கின்றனர்.               

                                 

                நேர்த்திக்கடன்:       

                                 

                பக்தர்கள் தங்களது பிரார்த்தனை நிறைவேறியவுடன், விநாயகருக்கு அபிஷேகம் செய்து, புது வஸ்திரம் சாற்றி வணங்குகின்றனர்.     

                                 

                 தலபெருமை:          

                                 

                -             

                                 

                  தல வரலாறு:         

                                 

                சுமார் 35 ஆண்டுகளுக்கு முன்பு இப்பகுதி மக்கள் தாங்கள் செய்ய நினைக்கும் செயல்களில் எந்த வித பிரச்சனைகளும் வராமல் இருக்க விநாயகரை வழிபாடு செய்து வந்தனர். இதன் காரணமாக விநாயகருக்கு தனி கோயில் கட்ட நினைத்து விநாயகரை வைத்து பூஜையும் செய்து வந்தனர். பக்தர்களது கோரிக்கைகளை எல்லாம் விநாயகர் கம்பீரமாக இருந்து நடத்திக்கொடுத்ததால்,இத்தல விநாயகருக்கு கம்பீர விநாயகர் என திருநாமம் சூட்டி கோயில்கட்டி வழிபாடு செய்து வருகின்றனர்.

அருள்மிகு ஆபத் சகாய சுந்தர விநாயகர் திருக்கோயில், வடவள்ளி, கோயம்புத்தூர்.

அருள்மிகு ஆபத் சகாய சுந்தர விநாயகர் திருக்கோயில்

மூலவர்          :               ஆபத் சகாய சுந்தர விநாயகர்

                உற்சவர்          :               விநாயகர்

                அம்மன்/தாயார்      :               -

                தல விருட்சம்           :               ஆலமரம், அரசமரம், வேம்பு

                தீர்த்தம்           :               -

                ஆகமம்/பூஜை          :              

                பழமை             :               500 வருடங்களுக்குள்

                புராண பெயர்              :              

                ஊர்      :               வடவள்ளி

                மாவட்டம்    :               கோயம்புத்தூர்

                மாநிலம்         :               தமிழ்நாடு

                பாடியவர்கள்:           

                                 

                                 

                                 

                 திருவிழா:   

                                 

                இக்கோயிலில் சங்கடஹர சதுர்த்தி, திருவோணம், சஷ்டி, கிருத்திகை அமாவாசை, பவுர்ணமி, பிரதோஷம் ஆகிய விழாக்கள் சிறப்பு அபிஷேக ஆராதனைகளுடன் நடைபெற்றாலும் முக்கிய வருட பெருவிழா விநாயக சதுர்த்தி விழா கொண்டாடப்படுகின்றன.               

                                 

                 தல சிறப்பு: 

                                 

                                                   

  
                                               

                                 

                திறக்கும் நேரம்:     

                                 

                காலை 7.00 மணி முதல் 9.00 மணி வரை, மாலை 6.00 மணி முதல் இரவு 7.30 மணி வரை திறந்திருக்கும்.       

                                 

                முகவரி:        

                                 

                அருள்மிகு ஆபத் சகாய சுந்தர விநாயகர் திருக்கோயில், வடவள்ளி, கோயம்புத்தூர்.        

                                 

                                 

                 பொது தகவல்:        

                                 

                சிறிய கருவறையில் திருவாச்சியுடன் ஒரே கல்லில் மிக்க அழகுடன் வடிக்கப்பட்ட வலம்புரி விநாயகப் பெருமான் அமர்ந்த கோலத்தில் எழுந்தருளிஉள்ளார். அர்த்த மண்டபத்தில் குருவாயூரப்பன் மற்றும் முருகப் பெருமான் வீற்றுள்ளனர். கோஷ்டத்தில் தட்சிணாமூர்த்தி, லிங்கோத்பவர் விஷ்ணு துர்க்கை அருள் புரிகின்றனர். முன் மண்டபத்தில் மனதில் நினைத்த காரியத்தை நிறைவேற்றிவைக்கும் அபீஷ்ட சுந்தர ஆஞ்சநேயர், நவகிரஹங்கள் விமானத்துடன் கூடிய தனிசன்னிதிகளில் உள்ளனர்.      

                                 

                பிரார்த்தனை            

                                 

                தேர்வில் நல்ல மதிப்பெண் பெற இங்கு பிரார்த்திக்கின்றனர்.    

                                 

                நேர்த்திக்கடன்:       

                                 

                விநாயகருக்கு அபிஷேக ஆராதனை செய்யப்படுகிறது. 

                                 

                 தலபெருமை:          

                                 

                அருகில் உள்ள பள்ளிக்குச் செல்லும் குழந்தைகள் தேர்வுக்குச் செல்லும் முன் ஆஞ்சநேயரை வழிபட்டு சென்று தேர்வு எழுதி நல்ல மதிப்பெண்கள் பெறுகிறார்களாம். ஆரம்ப காலத்தில் திருப்பணி செய்த குழந்தைகள் தற்போது நல்ல உத்தியோகத்தில் வெளிநாட்டிலும் இங்கும் வசதியாக உள்ளனர் என்பது கூடுதல் சிறப்பு.      

                                 

                  தல வரலாறு:         

                                 

                கோவை வடவள்ளி கொண்டாமுத்தூர் சாலையில் சுமார் 1 கி.மீ. தொலைவில் அமைந்த குடியிருப்பு கியூரியோ கார்டன் அவின்யூ. தூய காற்று, அமைதியான சூழல், போக்குவரத்து நெரிசல் இல்லாத பகுதி. இங்கு குடியிருப்பு பகுதியாக உருவாக்கப்பட்ட போது ஓய்வு பெற்ற அரசு அதிகாரிகள் வங்கி அதிகாரிகள், சிறு தொழிலதிபர்கள் என பலரும் இடம் வாங்கி குடியேறினர். குடி புகுந்த பின் அங்கு ஒரு கோயில் இல்லையே என்பது அனைவரின் மனக்குறையாக இருந்தது. அனைவரும் ஒன்றுகூடிப் பேசி ஒரு விநாயகர் கோயில் கட்ட முடிவு செய்தனர். அக்கூட்டத்தில் கலந்து கொண்ட பழுத்த பழமான பெரியவர், கோயில் கட்டுவதென்பது வீடுகட்டுவதைப் போல் எளிதான காரியமில்லை. இந்த காலனியில் கோயில் கட்டலாமா? வேண்டாமா? இங்கு நாம் அமைக்கவிருக்கும் கோயிலில் முழுமுதல் கடவுளான விநாயகர் அமர அவருக்கு விருப்பமா? இல்லையா? என்பதை முதலில் தெரிந்து கொள்ள வேண்டாமா? என்றார்.

இதை எப்படி தெரிந்து கொள்வது என வினவ, பிரசன்னம் பார்க்க வேண்டும். பிரசன்னம் என்பது முழுமையான நம்பிக்கைக்குரிய ஒன்று. மேலும் கோயில் கட்டும் முன் பிரசன்னம் பார்க்க வேண்டும் என்பது ஆகம விதிகளில் ஒன்று என்றார். அடுத்த வாரமே 5 பேர் கொண்ட குழுவினர் கேரளாவை நோக்கி பயணமானார்கள். ஒரு பழமையான கிராமத்தில் பழுத்த பழமாய் விளங்கிய பிரசித்திபெற்ற நம்பூதிரி ஒருவர் வீட்டில் பிரசன்னம் பார்க்க அமர்ந்தனர். நம்பூதியிடம், நாங்கள் வசிக்கும் குடியிருப்பு பகுதியில் ஒரு விநாயகர் கோயில் கட்டவேண்டும். அதற்கு தாங்கள் பிரசன்னம் பார்த்து ஆலோசனை கூறுங்கள் என்றனர். சிறிது நேரம் கண்களை மூடி தியானித்து விட்டு வெண்மை நிறங்கொண்ட சோழிகளை உருட்டிப் போட்டார். தொடர்ந்து 4/5 முறை அவ்வாறு போட்டு பார்த்துவிட்டு கண்களை மூடி மறுபடியும் தியானித்து விட்டு தொடர்ந்தார்,

 நீங்கள் வசிக்கும் பகுதியில் ஆலமரம், அரசமரம், வேப்ப மரம் ஆகிய மூன்றும் இணைந்த காலியான நிலப்பரப்பு உள்ளதா? என்றார். ஐவரும் குழம்பிப்போய் யோசித்து விட்டு, அப்படி ஒரு நிலப்பரப்பு இல்லையே என்றனர். எனது பிரசன்னம் என்றும் பொய்க்காது, நிதானமாய் யோசித்து சொல்லுங்கள். அனைவரும் ஒவ்வொரு பகுதியாக நினைவுபடுத்தி ஆலோசனை செய்தனர். பின் அக்குடியிருப்பு பகுதியின் தென்புறத்தில் சுமார் 10 சென்ட் பரப்பளவுள்ள இடம் இருப்பதும் அதில் அம்மூன்று மரங்கள் இருப்பதையும் நினைவு கூர்ந்து நம்பூதிரியிடம் தெரிவித்தனர். மேலும் அவ்விடம் சுத்தமாக இல்லை என்ற தகவலையும் வெளிப்படுத்தினர். இதைக் கேட்ட நம்பூதிரியின் முகம் மலர்ந்தது. புன்முறுவலுடன் தற்போது சுத்தமில்லாமல் இருக்கலாம் ஆனால் முற்காலத்தில் அது ஒரு புனிதமான, பவித்திரமான இடமாக இருந்தது. அதில் முனிவர் ஒருவரின் தபோவனமும் பின் வேத கோஷங்கள் முழங்கிய வேத பாட சாலையாகவும் இருந்தது.

விநாயகப் பெருமானுக்கு வெள்ளெருக்கு வேரில் வாசம்செய்ய மிகவும் பிடிக்கும். வேத பாடசாலையாக இருந்த அந்த இடம் முன்பு வெள்ளெருக்கு வனமாக இருந்தது. வெள்ளெருக்கு பூக்கள் கொத்து கொத்தாய் பூத்துக் குலுங்கிய அந்த இடம் தான் ஆல், அரசு வேம்பு ஆகிய மூன்றும் இணைந்த தெய்வீக அம்சம் பொருந்திய இடமாக உள்ளது. ஐயா, கோயில் கட்ட வேண்டும் என்ற ஆசை எங்கள் மனதில் நிரம்பவே இருக்கிறது. ஆனால் அந்த அளவிற்குப் பணம் எங்கள் கையில் இல்லை. ஆரம்பித்து விட்டு நடுவில் நின்று விடுமோ என்ற அச்சம் மிகுதியாக உள்ளதே என்றனர். இந்த இடத்தில் கோயில் கட்டுங்கள் அங்கே அமரும் விநாயகப் பெருமான் அருளையும் செல்வத்தையும் வாரி வழங்குவார். குழந்தைகளுக்கு நல்ல வாழ்க்கையை அமைத்துத் தருவார் நீங்கள் கவலைப்படவேண்டாம். கையில் உள்ள பணத்தை வைத்து வேலையைத் தொடங்குங்கள். பணம் தானாவே வந்து சேரும். திட்டமிட்டதற்கு முன்பாகவே கட்டி முடித்து கும்பாபிஷேகத்தையும் நடத்தி விடுவீர்கள் என உறுதியளித்தார். விடைபெறும் முன் பிரசன்னம் பார்த்தற்காக பணம் கொடுத்த போது அதை வாங்க மறுத்துவிட்டதோடு நீங்கள் கட்டப் போகும் கோயிலுக்கு என் முதல் காணிக்கையாக இருக்கட்டும் என்றார். மனநிறைவோடு திரும்பிய குழுவினர் நம்பூதிரி குறித்த இடத்தைப் பார்வையிட்டனர். கேரளாவில் எங்கோ அமர்ந்து கொண்டு எத்தனை தீட்சண்யமாக இவ்விடத்தைப் பற்றி சொன்னார் என்பதை எண்ணி வியந்தனர்.

அந்த இடம் பஞ்சாயத்துக்குச் சொந்தமானது. குழுவினர் அனைவரும் சேர்ந்து பணம் செலுத்தி அந் நிலத்தை வாங்கி பதிவு செய்தனர். இடத்தை சுத்தம் செய்தனர். பின்பு ஒரு நல்ல நாளில் பூமி பூஜையுடன், கோயில் கட்டிட பணிகள் தொடங்கப்பட்டது. கையில் பணம் இல்லை என்ற அச்சம் ஒருபுறம் இருக்க, இறையருளால் கட்டிடம் சிறிது சிறிதாக உயர ஆரம்பித்தது. யாரையும் கேட்காமலேயே அவ் வழியே செல்பவர்கள் நன்கொடைகளை வாரி வழங்கினர். அப்பகுதியில் உள்ள மணல் மற்றும் செங்கல் வியாபாரிகள் தங்கள் பங்கிற்கு கட்டுமானப் பொருட்களை கோயில் வளாகத்தில் இறக்கினர். பெயிண்ட் கம்பெனி விநியோகஸ்தர் ஒருவர் கோபுரத்திற்கு வர்ணம் பூசித்தர முன் வந்தார். தொழிலதிபர் ஒருவர் கும்பாபிஷேகத்தை தன் செலவில் சேமித்த பணம் மற்றும் இத்துடன் தாங்களாகவே தனிப்பட்ட முறையில் வசூல் செய்த தொகை, இவற்றைக் கொண்டு கோயில் தளம், சன்னிதி முன்பு உள்ள ஸ்டெயின்லெஸ் ஸ்டீல் குழாயினால் அமைந்த தடுப்பு போன்றவற்றை நிறுவிய பெருமை அக்குழந்தைகளே சாரும். குழந்தைகளால் தேர்வு செய்யப்பட்ட ஆபத் சகாய சுந்தர விநாயகர் பிரதிஷ்டை செய்யப்பட்டு கும்பாபிஷேகம் வெகு அற்புதமாக நடந்தேறியது. ஏராளமான பக்தர்கள் கலந்து கொண்டு அருள்பெற்றனர். 150 ஆண்டுகளுக்கு மேல் முதிர்ந்த ஆலமரம், அரசமரம், வேம்பு ஆகிய தெய்வீக விருட்சங்களின் நிழலில் அமைந்த இத்தலம் குளிர்ச்சி, தூய காற்று, அமைதியான சூழலுடன் ஓர் அடர்ந்த வனத்துக்குள் இருப்பதைப் போன்ற உணர்வை ஏற்படுத்துகின்றது.

தகவல்: வி.பி. ஆலாலசுந்தரம், கோவை