மலைத் திருநாட்டில் பிறந்தவனே

சபரிமலை அய்யப்பன் பக்தி துதிப் பாடல்.

மலைத் திருநாட்டில் பிறந்தவனே - ஒரு 

 மானிட உருவில் வளர்ந்தவனே 

ஒலி ஒளியாவிலும் நிறைந்தவனே - அந்த 

அரஹர சிவனின் திருமகனே. (ம).

தீமைகள் களைந்திடத் துணிந்தவனே - கொடும் 

சீறிடும் புலிமேல் அமர்ந்தவனே 

சாமி சரணம் ஐயப்பனே - இங்கு 

சகலமும் நீயே என்னப்பனே. (ம).

நல்லவர் மகிழ்ந்திட அவதரித்தாய் - உனை 

நம்பிய பேர்களுக்கருள் கொடுப்பாய் 

தொல்லைகள் நீங்கிட துணையிருப்பாய் - கை 

தொழுபவர் நெஞ்சினில் குடியிருப்பாய். (ம).

வாவா என்றால் வந்திடுவாய் - வரம் 

தாதா என்றால் தந்திடுவாய் 

ஆஹா உன்புகழ் பாடிவிட்டால் - இங்கு 

போகாவினையும் போகுதய்யா. (ம).